പേരുകളില്‍ ഒട്ടിപ്പിടിക്കുന്നത് ..

തിരക്ക്..
വായിച്ചു മടക്കിയ
പുസ്തകത്തില്‍
നിന്ന്
കാട്ടുപൂച്ചയെപ്പോലെ..

ചവച്ചരച്ച ആശയങ്ങള്‍
കുളിമുറിയിലെ സോപ്പ് വെള്ളത്തില്‍
കുതിര്‍ന്നു,
കൊളുത്തായി
കാലില്‍!
ഞാനും
അക്വേറിയത്തിലെ മീനും
ഒരു പോലെ
ശ്വാസം മുകളിലെക്കെടുത്തു,
തിരക്കിന്റെ വലയില്‍ പിടഞ്ഞു
ഉറങ്ങി..

അപ്പോളതാ !
മാളത്തില്‍ വെള്ളം കയറിയ
പാമ്പിനെപ്പോലെ,
മഞ്ഞനിറത്തില്‍..
സ്വപ്നത്തില്‍ ..

ഞെട്ടി,നിലവിളിച്ചു!
ആരുമില്ല..
നഗരം കാണാന്‍ പോയിരിക്ന്നു
നാലു ഭിത്തികളും!
മഴയെന്നിട്ടും ആവിയായി ,
കരഞ്ഞു ,കണ്ണ് ചുവന്നു
എന്‍റെ കട്ടില്പ്പടിയില്‍
തല ചായ്ച്..
ചുവരില്‍ ,ആരുടെയോ
മെഴുക്കു പുരണ്ട
വിരല്പ്പാടുകളില്‍,
ചിറകൊട്ടി
ഒരു ശലഭം..

തിരക്കരുതെന്നെ ,പേരില്ല
തിരക്ക് അരക്കായി
ഒട്ടിപ്പിടിച്ചു പോയി.